• Гласање на публиката

    Наградата за социјално претприемништво е на самиот крај. Во моментов публиката има можност да гласа за своите фаворити на следниов линк. Гласањето трае до 28-ми септември 2016.

    На линкот се достапни видеата на единаесетте тимови кои беа прогласени за финалисти, а во текот на летото добија тренинг за акцелерација на идеите, како и индивидуална менторска поддршка.  Сите кои ќе пристапат на оваа веб страница можат да ги погледнат видеата и да одберат три од единаесетте идеи: Зелени покриви, Музикотерапија, Paper Embroidery, Кинисај, The Bestie, Able, Сламахер, One Can Make It Work, Фрешис, Слушни слика и Чиста филантропија. Победникот на ова гласање ќе добие дополнителна консултантска поддршка од нашиот партнер компанијата Конто – Профит. Покрај наградата од публиката доделена преку ова гласање, стручното жири составено од 12 члена на 29.09.2016 година ќе ги прогласи трите тимови кои ќе добијат парична поддршка од Шпаркасе Банка.

    Следете не и преку: #StudentsInMK #SIA2016 #SIAfinalist

    Со почит,

    Тимот на Наградата за социјално претприемништво

  • Запознајте ги финалистите- дел 3

    7. Слушни слика 

    Денеска во светот живеат над 285 милиони лица кои имаат трајно оштетен вид или се целосно слепи. Сите знаеме дека овој медицински проблем е речиси неизлечлив, а и во оние ситуации каде има шанси за подобрување, кои се релативно мали, давачките се огромни.
    Сепак живееме во едно време на технолошки бум каде придобвиките од технологијата ги вклучуваме за секојдневните активности. Поради тоа ние решивме нашиот производ да ги олесни секојдневните активности на оваа социјално загрозена категорија, односно слепите лица.
    Нашиот производ претставува очила кои ќе ги препознаваат објектите кои се наоѓаат во непосредна близина на слепото лице, и ќе го калкулираат растојанието помеѓу објектот и корисникот. Сето ова ќе биде аудио поддржано, односно преку слушалки, корисникот ќе биде известуван за објектите во неговата непосредна близина. Самиот производ е замислено да биде по релативно ниска цена, достапна за секој.

    8.One can make it work

    Поради социјалната положба креирана од концептот на традиционално семјество, во Македонија се креира проблем при рекреирање на животот одново за оние родители кои остануваат сами. Без разлика дали по несреќен случај или развод, идејата за одновно градење на себе си и нормалноста во секојдневиот живот е станата туѓа и далечна. Зависејќи од финансисктие тешкоити со кои сите се соочуваме, ние се обидуваме да изјнадеме решение преку креирање на датабаза со сите потребни информации за самохраните родители, препознавајќи ги нивните квалитети и надградувајќи ги истите со цел да можат да пронајдат работа. Борбеноста се јавува во моменти кога ни е најтешко, затоа тие треба да знаат дека има кој да ги поддржи. Еден може да успее (One can make it work), само ако некој го насочи и подбутне во немирните времиња.

    9. Crowder

    Секојдневно се соочуваме со многу проблеми и предизвици, кои зависат од нас, граѓаните, бидејќи живееме во општество. Најголемиот дел се должат на недостиг на податоци (трансформирани во информации) или пак човечки ресурси кои се потребни за спроведување на собирање на истите. Пронајдовме решение за тоа. Crowder е платформа за собирање на податоци од граѓаните за граѓаните (crowdsourcing). Оваа платформа ќе го собере и искористи потенцијалот кој секој од нас го има во својот џеб. Со помош на различни сензори кои секој паметен телефон ги има и ентузијазмот на луѓето ќе се обидеме да допринесеме до решавање на некои, можеби не најголемите, но најважни проблеми како што се мапирање на дрвјата и заштита на зелените површини во градовите за намалување на загаденоста, детекција на погрешно паркирани возила или застој во сообраќај, обид за внесување ред во сообраќаниот неред кога станува збор за паркинг места, пријавување на дупки на патиштата, велосипедските и пешачките патеки, како и можност компании или индивидуалци на кои им е потребна поголема група за одредена задача/проблем, решението да го најдат токму на оваа платформа. Истата ќе понуди доза на натпревар и социјализација меѓу граѓаните, истовремено носејќи им одредени економски придобивки, а на крајот на денот, решавање на секојдневните проблеми со кои се сретнуваме и едно малку поинакво секојдневие. Организирано и информирано.

  • Запознајте ги финалистите- дел 1

     

     

    1. Чиста филантропија 

    Расфрлана облека покрај контејнерите која никогаш нема да стаса никој да ја носи,  израсната зимска јакна кој може да стопли некој на кој вистински му студи, бебешка облека кое некое детуле чека да ја облече…Ние имаме предлог како да си помогнеме едни на други. Ние имаме решение како да ги мотивираме нашите сограѓани да донираат облека лесно и едноставно. „ЧИСТА ФИЛАНТРОПИЈА“ е проект осмислен од Здружението за социјални иновации „АРНО“ кој ќе се спроведува во соработка со јавната пералница „Laundry Cafe Services“  и ќе го мотивира бизнис секторот да биде општествено одговорен. Нашата идеја e:  1. Граѓаните да ги носат своите донации на облека  во „Laundry Cafe“ (локација во центарот на градот) 2. „Laundry Cafe“ да се погрижи тие да бидат испрани и испеглани 3. „АРНО“ да ги достави донациите на достоинствен начин до оние на кои најмногу им требаат. 4. Бизнис секторот да го поддржи ова филантропско партнерство-да се формира платформа на општествено одговорни бизниси кои ќе даваат попусти за секоја донација, ќе плаќаат членство, донираат детергенти, омекнувачи и слично. Преку „Чиста филантропија“, освен обезбедување на насмевка кај граѓаните на кои им се вистински потребни овие донации, ние:  намалуваме отпад од облека, промoвираме рециклирање и вршиме подобрување на локалната економија преку поддржување на нови старт-ап бизниси кои се општествено одговорни.

    2. СЛАМАХЕР

    „Сламахер” нуди услуги од областа на одржливата партиципативна архитектура според принципите на пасивниот соларен дизајн за изградба на енергетски ефикасни домови од сламени бали по достапни цени. Проектот претставува сеопфатен пакет на услуги, почнувајќи од идејно решение, архитектонски проект, организација на изградбата, па до практични обуки и работилници за оспособување на припадниците на локалните заедници, каде што ќе се изведуваат објектите и од каде што ќе се набавуваат сламените бали како основен градежен материјал. На тој начин се поткрепува економското и општественото зацврстување на локалните заедници, доквалификацијата и стекнувањето нови вештини за невработените лица, вработувањето во градежништвото, како и приходи за локалните земјоделски стопанства. Како резултат ќе се олесни вдомувањето со значително помал трошок, ќе се обезбедат домови изградени од природни материјали, кои нудат здрави услови за живот и ќе се намали еколошки отпечаток при изградбата и одржувањето на домовите од сламени бали.

    3. TheBestie 

    TheBestie е социјален бизнис концепт креиран од две сестри кои им се восхитуваат на семејните вредности и сакаат да допринесат  за развој на идни здрави гeнерации. Се работи за процес кој ќе обезбеди достапност на здрава органска храна за деца од основни училишта и градинки. Нашата цел е да создадеме навика за здрава исхрана кај најмладите преку креирање на разновидно мени кое ќе биде привлечно за детскиот вкус, а сепак ќе ги содржи сите хранливи состојки за квалитетно растење и учење. Храната ќе се готви во училишните кујни а од друга страна, сите намирници ќе бидат произведувани во чисти еколошки услови од страна на жители на економско неразвиени средини. Сето ова резултира со здрави деца, безгрижни родители, развој на руралните средини и искористување на природните ресурси во земјава кои и покрај тоа што ги има во изобилство, сме дозволиле да останат неискористени и да увезуваме храна од непознато потекло. Ти си се она што јадеш а TheBestie нуди избор за здрава иднина!

  • Повик за учество на летна програма за социјално претприемништво

    Младиинфо Интернационал поттикната од интересот за Наградата за Социјално претприемништво, ја организира првата летна програма за социјално претприемништво под името Solve it! – Social Entrepreneurial Summer Program.

    Програмата е наменета за сите млади луѓе до 35 години кои се заинтересирани да научат повеќе за општествените бизниси, можните начини за финансирање како и за развој на сопствените идеи. Летната програма ќе се изведува на англиски јазик и ќе биде под водство на Диего Хетерман, поранешен ментор за Наградата за социјално претприемништво во Австрија, кој беше и обучувач на првото издание на истата во Македонија во 2015та година.

    Обуката е бесплатна и ќе започне на 14ти јуни со времетраење од 5 недели(една работилница неделно) и ќе се имплементира во простоорите на ХАБ Скопје. На крајот од програмата, сите учесници кои ќе присуствуваат на минимум 4 сесии ќе се здобијат со сертификат за учество.

    Сите заинтересирани потребно е да ја пополнат апликацијата најдоцна до 5ти јуни 2016.

  • Наградата за социјално претприемништво патува низ Македонија

    Почнувајќи од 5 – ти април (вторник) тимот на Наградата за социјално претприемништво, ќе патува низ Македонија. Шест работилници на тема генерирање на бизнис идеи ќе се случат во Тетово, Битола, Охрид и Штип. Во рамките на овие работилници, младите и студентите ќе  имаат можност подлабоко да навлезат во терминологијата и суштината на социјалното претприемништво. Младите примарно ќе ги идентификуваат проблемите во својата локална заедница, а потоа  ќе дадат идејни решенија за истите. Работилниците ќе бидат под водство на Марија Матовска, координаторка на Наградата за социјално претприемништво Македонија. На работилниците ќе присуствуваат гости кои се засегнати од проблематиката на социјалното претприемништво и кои ќе се обидат на младите луѓе да им објаснат како се креираат идеи и како се стигнува до нивна реализација.

    Oва е можност за сите млади луѓе да бидат чекор поблиску до креирање на својот социјален бизнис, а со тоа да ја земат иднината во свои раце и да го направат ова општество подобро место за живеење.

    Распоредот на работилниците е следен:

    1. 05.04 (вторник) – 13 часот Универзитет на Југоисточна Европа – Тетово

    2. 06.04 (среда)-  11 часот на ФИКТ/ Биотехнички факултет и 14 часот во Кредо центар – Битола

    3. 07.04 (четврток)- 11 часот на Факултетот за угостителство и туризам и 17 часот на Универзитетот за информатички науки и технологии „Св. Апостол Павле“ – Охрид

    4. 11.04 (понеделник)- 12 часот на Економскиот факулет – Штип

    5. 15.04 (петок)- 10:30 часот на Меѓународниот универзитет Визион- Гостивар.

    Работилницте се бесплатни, а пријавувањето може да го направите тука.

    Ве очекуваме!

    Следете не и преку: #StudentsInMK #SIA2016

    Тимот на наградата за социјално претприемништво

  • Работилница за генерирање на идеи

    Вторта  работилница на тема генерирање на бизнис идеи ќе се случи на 09.03.2016 (среда) година во Хаб Скопје, со почеток во 12 часот. Во рамките на оваа работилница, младите и студентите имаат можност подлабоко да навлезат во терминологијата и суштината на социјалното претприемништво. Младите примарно ќе бидат во можност да ги идентификуваат проблемите во својата локална заедница, а потоа и да дадат идејни решенија за истите. Работилницата ќе биде под водство на Марија Матовска, координаторка на Наградата за социјално претприемништво Македонија и Андријана Тасевска, организациски развој, UNNIX, Скопје. Гостин на работилницата ќе  биде Љубомир Стојчески, основач на Фрешис.

    Oва е можност за сите млади луѓе да бидат чекор поблиску до креирање на својот социјален бизнис, а со тоа да ја земат иднината во свои раце и да го направат ова општество подобро место за живеење.

    Местата се ограничени. Резервирајте го вашето место тука.

    Ве очекуваме!

    Следете не и преку: #StudentsInMK #SIA2016

    Тимот на наградата за социјално претприемништво

  • Формирано жирито за наградата за социјално претприемништво 2016 година

    По затворање на конкурсот за најдобра и најиновативна идеја за социјален бизнис, стручното жири ќе одбере најдобри 10 идеи кои ќе поминат низ процес на инкубација во ХАБ Скопје. По завршување на овој дел од програмата, во септември ќе бидат избрани најдобрите 3 решенија кои ќе добијат парична награда и можност за состанок со другите социјални претприемачи ширум Европа, во Виена.

    Жирито за 2016 година е составено од:

    Климентина Илијевски – Извршен директор на асоцијацијата за истражување, комуникации и развој „Паблик“ и главен и одговорен уредник на уличното списание „Лице в лице“

    Филип Ивановски – Извршен директор на Пакомак

    Викторија Јовановска – Директор на Сектор Управување со физички лица, Шпаркасе банка Македонија

    Елена Богданова – Директор на Сектор Управување со корпоративни клиенти, Шпаркасе банка Македонија

    Катерина Стојановска – Основач на компанијата EmbedSocial, менаџер на департманот за развој на производи

    M-р Грозданов Благоја – Менаџер, консултант и главен обучувач во Конто Профит

    Д-р Димитар Јовевски – Доц. професор на Економскиот факултет- Скопје, при Универзитетот Св. Кирил и Методиј во Скопје

    Илир Идризи – Извршен директор на фондацијата Даути

    Никица Кусиникова – Извршна директорка на здружението Конект

    Нина Ангеловска – Извршен директор и ко-основач на првиот македонски веб сајт за групни попусти, Grouper.mk

    Антоанета Иванова – Претседател и ко- основач на Младиинфо Интернационал

    Весна Кардалевска – Mенаџер за Програма за развој и процеси, CEED Macedonia

    Повеќе информации за членовите на жирито можете да најдете тука.

    Следете не на: #SiA2016 и #StudentsInMK

  • Објавена агендата за Kick-off настанот 2016

    Натпреварот за наградата за социјално претприемништво започнува наскоро! Настанот, кој ќе се одржи на 16 февруари 2016 година во „Јавна Соба“- Скопје со почеток во 12 часот, ќе се одвива по следниот редослед:

    12:00-12:05 Марија Матовска, проект координаторка, Награда за социјално претприемништво – Македонија

    12:05- 12:20 Антоанета Иванова, претседателка на Младиинфо Интернационал и Јакоб Детеринг, директор на Наградата за социјално претприемништво – Европа

    12:20- 12: 30 Викторија Јовановска, Директор на Сектор Управување со физички лица, Шпаркасе Банка Македонија

    12:30- 13:15 Панел на победниците на наградата за социјално претприемништво 2015:
    — Бојан Георгиевски – Добра земја
    — Ирина Јаневска – Coolinari.mk
    — Aлександар Димески – Концентрациона соларна електрана
    *Модераторка: Бистра Кумбароска, Импакт хаб Виена/Хаб Скопје

    13:15- ….. Кафе дружење

    Ве очекуваме сите на дружење и споделување на искуства и идеи!

    Следете не и преку: #StudentsInMK #SIA2016

    Тимот на Наградата за социјално претприемништво 2016

  • Работилница за Бизнис Модели

    Во рамките на наградата за социјално претприемништво предвидено е спроведување на серија работилници кои имаат за цел да им помогнат на студентите во формирање и развивање на сопствената идеја за социјален бизнис. Првата работилница на тема бизнис модели ќе се случи на 18.02.2016 (четврток) година во Хаб Скопје, со почеток во 12 часот. Работилницата за бизнис модели е прилика за учесниците да се запознаат со различни видови на иновативни бизнис модели коишто може да се применат во социјалното претприемништво. Истовремено, во рамките на оваа работилница, учесниците имаат можност да го аплицираат своето веќе стекнато знаење и понатаму да ја развиваат својата идеја.
    Работилницата ќе биде спроведена од Јакоб Детеринг, координатор на наградата за социјално претприемништво на ниво на Европа, Марија Матовска, координаторка на наградата во Македонија и Андријана Тасевска,организациски развој, UNNIX, Скопје.

    Учесниците на оваа работилница ќе имаат можност, исто така, да ја слушнат приказната на Јакоб за развојот на неговиот личен социјален бизнис во Романија.

    Работилницата ќе биде на англиски јазик.

    Местата се ограничени. Резервирајте го вашето место тука.

    Ве очекуваме!

    Следете не и преку: #StudentsInMK #SIA2016

    Тимот на наградата за социјално претприемништво

  • Kick off- отворање на наградата за социјално претприемништво

    Наградата за социјално претприемништво по втор пат ќе се организира во Македонија. Оваа награда веќе е присутна во 12 земји во Европа со поддршка на Фондацијата ЕРСТЕ и Импакт Хаб Виена. Во Македонија истата ќе биде во организација на Младиинфо, во партнерство со Шпаркасе банка Македонија, Пакомак, ЈСП Скопје и Маратон, Конто Профит и Јавна Соба, а поддржано од Економски факултет Скопје, Универзитет Климент Охридски – Битола, Универзитет Гоце Делчев – Штип, Меѓународен Универзитет Визион- Гостивар, Европски Универзитет – Република Македонија, Универзитет Американ Колеџ Скопје, Универзитет за информатички науки и технологии Св. апостол Павле- Охрид, Универзитет на Југоисточна Европа- Тетово, СВТ АЛУМНИ Скопје, Клуб Алпбах Македонија, Студентска организација Излез – Скопје, АЕГЕЕ – Скопје, БЕСТ – Скопје, ЕМСА Македонија, ИАЕСТЕ Македонија, ЕСТЕЕК Македонија, Младинскиот совет при Американската Амбасада во РМ, Codefest, НАПАГ, Фонд за иновации и технолошки развој, ЕМКИЦЕ, Радио МОФ, Групер и Пиксел.
    Kick-Off настанот за Наградата за социјално претприемништво 2016 (Social Impact Award 2016) официјално ќе го означи почетокот на изборот. Kick- off настанот ќе се случи на 16.02.2016 (вторник), во 12 часот во Јавна Соба (ул. „50та дивизија“- Скопје). На Kick-Off настанот ќе имате прилика да добиете повеќе информации за Наградата за социјално претприемништво. Агендата очекувајте ја наскоро.
    Вкупниот фонд на наградите во Македонија е обезбеден од Шпаркасе банка Македонија и изнесува 6000 евра, патување во Виена за најдобрите тимови, менторство и инкубациски период и многу други можности. Конкурсот ќе биде отворен до 27.04.2016 година.

    Следете не и преку: #StudentsInMK #SIA2016